شعر : منال راتب
هتبعد ابعد مبقتش تاني بتأثر عليا
لو كنت فاكر اني هعيش العمر وحدي
لا يا ابني فوق دنا من غيرك هكون سعيدة
بعد اللي شفته معاك من ظلم واسية
هعيش حياتي معرفش حاجة عن الحنية
روح يالا سيبني من غير عتاب ولا دموع
قلبي قوي وقادر علي هجر وفراق
انسي اللي كانت زمان في يوم ضعيفة
وفاكرة الحياة حب وامل من غير عذاب
انا بعترفلك انك كسبت الجولة ديا
وانا معاك اخدت درس ميتنسيش
اوعي يا حوا تضعفي في يوم لادم
مهما يقولك انتي وانتي متصدقيش
ضعفك وزلك قدامه بيقوي فيه
وبيفتكر انه خلاص ملكك في ايده
لا يا ابن ادم دنا من غيرك هكون قويه
ومبقاش معاك في اي حاجة بتهز فيا
واقدر اعيش وانت مش جنبي في حياتي
لو كنت ناسي افكرك باللي عملته فيا
